სტატისტიკური ბიზნეს რეგისტრი დაარსდა 1995 წელს. იგი მოიცავს რეგლამენტირებულ ცნობებს ქვეყნის ტერიტორიაზე საზოგადოებრივი ან სამეწარმეო საქმიანობით დაკავებული ყველა იურიდიული და ფიზიკური პირის შესახებ.
სტატისტიკური ბიზნეს რეგისტრის განახლება ხორციელდება ყოველთვიურად, ძირითადად, ადმინისტრაციული წყაროებიდან (საჯარო რეესტრის ეროვნული სააგენტო, შემოსავლების სამსახური) და სტატისტიკის ეროვნული სამსახურის მიერ ჩატარებული სხვადასხვა ბიზნეს გამოკვლევებიდან მიღებული ინფორმაციის საფუძველზე.
მოცემული გვერდის პირველ ჩანართზე - მთავარი განთავსებული ფილტრაციის ველები საშუალებას იძლევა მოძიებულ იქნას ინფორმაცია საქართველოში რეგისტრირებული სუბიექტების შესახებ სხვადასხვა მახასიათებლის მიხედვით (ორგანიზაციულ-სამართლებრივი ფორმა, საკუთრების ფორმა, რეგიონი, მუნიციპალიტეტი, ეკონომიკური საქმიანობის სახე და სხვა).
რეპორტების ნაწილში წარმოდგენილი ცხრილები ასახავს საქართველოში რეგისტრირებული და აქტიური საწარმოებისა და ორგანიზაციების განაწილებას სხვადასხვა მახასიათებლის მიხედვით.
გრაფიკების ნაწილში წარმოდგენილია საწარმოთა დემოგრაფიული მაჩვენებლების - საწარმოთა დაბადება, გარდაცვალება, გადარჩენა - ამსახველი გრაფიკები, სხვადასხვა მახასიათებლის მიხედვით.
GIS ანალიზის ნაწილი საშუალებას იძლევა ინტერაქტიულ რუკებზე, რომლებზეც დატანილია აქტიური კომპანიების გეოგრაფიული კოორდინატები, მოიძიებულ იქნას ბიზნეს სუბიექტები მათი ფაქტობრივი მისამართის მიხედვით.